Azərbaycan Respublikası Səhiyyə Nazirliyi K.Y.Fərəcova adına Elmi-Tədqiqat Pediatriya İnstitutunda həkim rezidentlər üçün növbəti seminar keçirilib.

 

İnstitutdan Aztibb.az-a bildirilib ki, seminarda müəssisənin direktoru, t.ü.f.d., dos. Allahverdi Musayev, direktorun elmi işlər üzrə müavini, t.e.d., dos. Nailə Rəhimova, həkim əməkdaşlar və rezidentlər iştirak ediblər.

 

Tədbirdə həkim-rezident Yetər Muxtarova "Yenidoğulmuşlarda trombositopeniya" mövzusunda məruzə ilə çıxış edib. O, xəstəliyin təsnifatı, səbəbləri, simptomları, diaqnostikası və müalicəsi barədə ətraflı məlumat verib.

 

Sonda mövzu ətrafında müzakirələr aparılıb, iştirakçıların sualları cavablandırılıb.