Çürük, qırılma və çatlama kimi diş zədələrinin aradan qaldırılması və itirilmiş dişlərin körpüyəbənzər konstruksiya ilə bərpası üçün istifadə edilən keramika qapaqlar estetik baxımdan ən inkişaf etmiş diş bərpa üsulu hesab edilirdi. Stomatologiya sahəsində dişsizlik probleminin həlli və estetikanın bərpası üçün keramika qapaqlara daha çox üstünlük verilirdi.

 

Aztibb.az xəbər verir ki, bu barədə Bioloji Təbabət Klinikasının inteqrativ tibb həkimi, stomatoloq Rəşad Nəsrəddinov məlumat verib.

 

O, bildirib ki, keramika diş qapaqlarının metal və metalsız növləri mövcuddur. Metalsız keramikalar zirkon dişlər kimi zərərsiz və estetik oldugu üçün hələ də aktuallığını qoruyub saxlayıb. Metal keramikaların tərkibində ağır metal olan kobalt və xromun olması onu orqanizm üçün arzuolunmaz edir. Metal işıq şüalarını da keçirtmədiyi üçün pasiyenti qane edən estetikanı almaq mümkün olmur.

 

Həkimin sözlərinə görə, zirkon qapaqlar diş həkimlərinin son zamanlarda daha estetik görünüş əldə etmək və ağız-diş funksiyalarını daha yaxşı etmək üçün zirkon dişlər mövcud olmamışdan öncə ən üstün diş kimi tövsiyə etdiyi bərpa növü idi. Zirkon dişlər heç bir allergik xüsusiyyətə malik olmadığından, davamlı, metal dadı verməyən, ağ rəngdə və işıq keçirən olduğundan təbii dişlərimizə daha çox bənzədiyindən həm estetik həmdə sağlıq baxımında metal keramikadan çox-çox üstdə dayanır.