K vitamini təbiətdə iki formada: K1 və K2 vitaminləri kimi mövcuddur.

K1 vitamini və ya filloxinon yarpaqlı tərəvəzlərdə, xüsusən brokkoli, brüssel kələmi, ağ kələm, ispanaq və meyvələrdə (avokado, banan, üzüm, kivi, qara gavalı) mövcuddur.

K2 vitamini, və ya menaxinon yüksək yağlı süd məhsullarında az miqdarda, yumurta sarısı, qaraciyər, həmçinin qıcqırdılmış məhsullarda ( turşu kələm) mövcuddur.

Aztibb.az xəbər verir ki, bu barədə medikforum.ru saytında məlumat verilir.

K vitamini bədəndə qanın laxtalanması prosesini nizama salmağa kömək edir: o qanın laxtalanması üçün lazım olan zülalların hazırlanmasına imkan yaradır. Travmalar zamanı bu, qanaxmanın qarşısını alır və sağalmağa kömək edir.

K vitamininin çatışması isə orqanizmdə arteriyaların sərtliyinin azalması və arterial təzyiqin normallaşması hesabına ürək-damar sisteminin sağlamlığının yaxşılaşmasına kömək edir.

Bundan başqa, K vitamini xərçəngdən müdafiə üçün lazımlıdır. Belə ki, "Nutrients" jurnalında dərc edilmiş tədqiqatda süd vəzi, uşaqlıq boynu və yumurtalıq xərçəngində onun müsbət təsiri haqqında bildirilib. O, şişin, həmçinin təhlükəli hüceyrələrin fəallığının artmasının qarşısını alır.