Türkiyədə baş verən güclü zəlzələ nəticəsində ölənlərin sayı 6234-ə, yaralananların sayı isə 37 011 nəfərə çatıb.
Aztibb.az www.bursadabugun.com-a istinadla bildirir ki, təbii fəlakətin fəsadlarının aradan qaldırılması ilə bağlı bütün işlər Prezident Rəcəb Tayyib Ərdoğanın şəxsi nəzarəti altındadır.
Mərkəzləri Kahramanmaraş, Pazarcık və Elbistanda baş verən iki dağıdıcı zəlzələ ətraf 10 şəhərdə böyük dağıntılara səbəb olsa da, zamana qarşı yarış davam edir. Təkcə dağıntıların deyil, soyuğun da ölümcül həddə çatdığı bölgədə dağıntılar altında axtarış-xilasetmə işləri davam etdirilir. Zəlzələnin 52-ci saatında bir qadın dağıntılar altından sağ çıxarılıb.
Qeyd edək ki, fevralın 6-da Türkiyədə baş vermiş dağıdıcı zəlzələ 13,5 milyon insana təsir göstərib. Zəlzələ bölgəsinə 65 ölkədən yardımlar göndərilib. İlk kömək əlini uzadan Azərbaycan olub.