Baş beyin qan dövranının kəskin pozulması - baş beyin funksiyalarının qəflətən baş verən ocaqlı və diffuz pozulmasıdır. Gənc yaşlarda (16-45) insult bütün insultların 4%-ni təşkil edir, uşaqlarda insult faizi daha aşağıdır.

 

 

Nevroloq bildirib ki, gənc yaşlarda və uşaqlarda hemorragik və işemik insultun nisbəti 1:1 hesab edilir və yuxarı yaş qruplarına nisbətən hemorragik insult tezliyi daha yüksəkdir.

 

Sevinc Abışova qeyd edib ki, beyin infaktına (insult) daha çox ürək xəstəliklərində - ürəyin anadangəlmə qüsuru (ürək qapaqlarının revmatik zədələnməsi, aritmiya və s.), hematoloji xəstəliklərdə (oraqşəkilli hüceyrə anemiyası, leykemiya, damar daxili laxtalanma sindromu), eləcə də yuxu və onurğa arteriyalarının travmatik zədələnməsi zamanı, vaskulit, şəkərli diabetrast, kəskin arterial hipertoniya, oral kontraseptivlərin qəbulu, kəllədaxili anevrizmalar və s. zamanı rast gəlinir.

 

Onun sözlərinə görə, insult (beyin infarktı) klinik olaraq generalizə olunmuş və ya parsial qıcolma tutmaları, parez və ya plegiya (iflic), nitq və görmə qabiliyyətinin pozulmaları ilə özünü göstərir. Müayinə baş beyinin KT və ya MRT-si ilə aparılır. Müalicə apararkən insultun gənc və uşaq yaşda əmələ gəlməsinin spesifik səbəbləri nəzərə alınmalıdır.