Xəstəxanadan Aztibb.az-a bildirilib ki, mərasimdə Gəncə Şəhər İcra Hakimiyyətinin başçısı Niyazi Bayramov və TƏBİB-in Tibbi ərazi bölmələrinin koordinasiyası departamentinin koordinatoru, həkim-cərrah İmran Qurbanov çıxış edərək yeni təyin olunan direktora fəaliyyətində uğurlar arzulayıblar.

 

İkin İsmayılov ona göstərilən etimada görə minnətdarlığını bildirib və üzərinə düşən vəzifəni yüksək səviyyədə yerinə yetirmək üçün var gücü ilə çalışacağını söyləyib.

 

Qeyd edək ki, İlkin İsmayılov 22 oktyabr 1985-ci ildə Bakı şəhərində anadan olub. 2003-2009-cu illərdə Azərbaycan Tibb Universitetində (Müalicə işi) təhsil alıb. Universitetin Onkologiya Kafedrasında internatura keçərək, 2009-cu ildə Türkiyənin Qazi Universitetinin Ümumi Cərrahiyyə fakültəsində təhsilini davam etdirib. Həmin universitetdə uzmanlıq elmi dərəcəsini alan İlkin İsmayılov 2016-cı ildə Gəncə Beynəlxalq Xəstəxanasında ümumi cərrah, baş həkim, daha sonra isə baş direktor vəzifəsində çalışıb. O, 2017-ci ildə tibb üzrə fəlsəfə doktoru elmi dərəcəsini alıb. Hazırda Tibb Universitetinin Birinci Cərrahiyyə Xəstəliklər kafedrasının doktorantıdır. Bir sıra yerli və beynəlxalq konfrans və seminarlarda iştirak edən İlkin İsmayılov, 2021-ci ildən "Gəncə Şəhər Birləşmiş Xəstəxanası" publik hüquqi şəxsdə direktorun müavini - Abbas Səhhət adına xəstəxananın rəhbəri kimi fəaliyyət göstərib.

 

Xatırladaq ki, Gəncə Şəhər Birləşmiş Xəstəxanasının direktoru Nazim Əhmədov bir neçə gün bundan əvvəl vəzifəsindən azad edilib.