Tərtər Rayon Mərkəzi Xəstəxanasının peşəkar həkim və tibb işçilərindən ibarət geniştərkibli briqadasının iştirakı ilə rayonun Mamırlı kəndinin sakinləri kütləvi tibbi müayinələrə cəlb olunublar.

Xəstəxanadan Aztibb.az-a verilən xəbərə görə, əsas məqsəd rayonun kəndlərində Tərtər RMX-na gəlməkdə maddi və fiziki çətinliyi olan xəstələrin yerindəcə tibbi müayinə edilib, müalicəyə cəlb olunmasıdır.

Həkim briqadasının tərkibində terapevt, pediatr, mama-ginekoloq, laborant, şüa-diaqnostika və başqa ixtisas həkimləri var.

Tibb işçiləri tərəfindən 34 nəfər müayinə olunub.

Kənd sakinləri onlara göstərilən tibbi xidmətin səviyyəsindən razı qaldıqlarını bildiriblər.