Qucaqlaşmağın faydaları mütəxəssislər tərəfindən dəfələrlə qeyd edilsə də, bir çox insanlar gün ərzində çox qucaqlaya bilmədiklərini və ya qucaqlayacaq adamlarının olmadığını deyirlər. 

Məlumdur ki, qucaqlaşmanın xoşbəxtlik və sağlamlıq üçün əhəmiyyəti kifayət qədər böyükdür. Qucaqlaşmalar həyat yoldaşınız, dostunuz və ya uşağınız kimi dəyər verdiyiniz bir insana özünüzü daha yaxın hiss etməyinizə kömək edə bilər və başqalarının sizə münasibətini hiss etdirərək xoşbəxtlik və məmnunluq hisslərinizi artıra bilər. 

Ancaq şərtlərə görə sevdiklərinizdən uzaq olduğunuzda, fiziki sevgi baxımından özünüzü olduqca çarəsiz hiss edə bilərsiniz. Bu vəziyyətlərdə ətrafınızda sizi qucaqlayacaq heç kim olmadığı zaman özünüzü qucaqlamaq əla təcrübədir. Fiziki təmas və toxunma insanlar üçün əsas ehtiyac kimi tanınır, ona görə də bu tamamilə normal hesab olunur.

Əks halda daha uzun müddət fiziki təmas və ya toxunmadan yaşamaq emosional sağlamlığınıza böyük təsir göstərə bilər. Bu səbəblə ən yaxın və ən sevdiklərinizlə qucaqlaşmaq, özünüzü çox tez yaxşı hiss etməyə və xoşbəxtlik hormonlarınızı artırmağa kömək edəcək. 

Əgər tək yaşayan və ya yaxınları uzaqda olan birisinizsə, bu dəfə özünüzə sarılaraq bu çatışmazlığı tamamlaya bilərsiniz. Özünə şəfqət göstərməyin ən vacib və təsirli üsullarından biri olan özünə sarılmaq tək yaşayan insanlar üçün faydalıdır.  

Özünüzü qucaqlamaq qəribə səslənsə də, özünə şəfqətin ağrıları aradan qaldırdığı araşdırmalarla sübut edilib. Sakitləşdirici toxunuşla ifraz olunan oksitosin hormonu ağrıların aradan qaldırılmasında rol oynayır. Bu hormon narahatlıq və qorxu hisslərini azaldaraq ağrıya qarşı həssaslığı da dolayı yolla azalda bilir.  

Bununla bağlı araşdırmalara əsaslanaraq demək olar ki, yaralı bir insanın sevdiklərini qucaqlaması ağrılarını azalda bilər.