Bildiyiniz kimi, orqanizmin fəaliyyəti birbaşa qanın vəziyyətindən asılıdır. Patoloji vəziyyətlərdən qaçınmaq üçün qan təmiz olmalıdır. Həkimlər toksinləri bədəndən təmizləyən bir sıra məhsulları bol tükətməyi məsləhət görürlər. 

Aztibb.az rg.ru-ya istinadən xəbər verir ki, çuğundur yeməklə detoksifikasiya asanlaşır.

"Məhsulun tərkibində çoxlu qida maddələri, maqnezium, dəmir, C vitamini var. Çuğundur dəri və saç üçün faydalıdır, həmçinin qanda xolesterinin səviyyəsini azaltmağa kömək edir", - ekspertlər deyir. Yeri gəlmişkən, çuğundur hemoqlobin səviyyəsini artırmaq üçün ən yaxşı qidalardan biridir. 

Tərkibində yalnız dəmir (1,7 mq / 100 q) deyil, həm də fol turşusu, həmçinin kalium və lif var. İstər çiy, istərsə də bişmiş formada faydalıdır. 

Həkimlər zəncəfil, limon və sarımsağı da tövsiyə edir. Sonuncu, ideal detoks məhsulu adlandırılır. Sarımsaq antiviral, antibakterial və antibiotik xüsusiyyətlərə malikdir. Bununla belə, sarımsağın ac qarına sağlamlığa zərər verə biləcəyini də xatırlamaq lazımdır. Böyük miqdarda sarımsaq mədə xorası, pankreatit, qastroezofageal reflü xəstəliyi, xolelitiyazın kəskinləşməsi olan xəstələrdə narahatlığa səbəb olur. 

Mütəxəssislər qan üçün faydalı məhsullar sırasına kələm, xüsusilə brokolini də daxil ediblər. Məhsulun tərkibində sulforafan maddəsi var ki, bu da bütün lazımsız maddələri bədəndən çıxarmağa kömək edir.  Yeri gəlmişkən, brokolini çiy yemək daha yaxşıdır. Bişirildikdə brokolinin tərkibindəki sulforafan parçalanmağa başlayır.