Fevralın 2-də Neftçala Rayon Mərkəzi Xəstəxanası PHŞ-də Gənclər Gününə həsr olunmuş tədbir keçirilib.
Xəstəxanadan Aztibb.az-a bildirilib ki, öncə şəhidlərin ruhu bir dəqiqəlik sükutla yad edilib.
Tədbiri giriş sözü ilə açan Neftçala RMX PHŞ-nin direktoru E.Quliyev ölkəmizdə sağlam, müstəqil düşüncəyə sahib olan, kreativ düşüncəli gənclərin yetişdiyini diqqətə çatdırıb. Vurğulanıb ki, məhz düzgün qurulmuş ideya-siyasi işin nəticəsidir ki, bu gün Azərbaycan gəncliyi Ulu Öndərin siyasətini ardıcıl şəkildə həyata keçirən Prezident İlham Əliyevin ətrafında sıx birləşərək, dahi şəxsiyyətin ideyalarını qoruyur, inkişaf etdirir və dövlətimizin tərəqqisi naminə öz bacarıqlarını əsirgəmirlər.
Sonra Neftçala rayon SİHİ sədri N.Abdullayeva gəncləri təbrik edərək, onlara həmkarlar təşkilatı tərəfindən tərifnamə və hədiyyələr təqdim edib.
Çıxış edən digər həkimlər də gənclərə tövsiyyə və arzularını bildiriblər.
Sonda Gənclər Gününə həsr olunmuş videoçarx nümayiş etdirilib.