Misirin paytaxtı Qahirənin əl-Matariya rayonunda yerləşən xəstəxanada baş verən yanğın zamanı 3 nəfər ölüb.

Aztibb.az russian.news.cn-a istinadən xəbər verir ki, 32 nəfər yanıq, sınıq xəsarətləri və tüstüdən zəhərlənmə diaqnozları ilə xəstəxanalara yerləşdirilib.

Yaralıların daşınmasına 10-dan çox təcili tibbi yardım maşını cəlb olunub.

Qahirə Prokurorluğu hadisə ilə bağlı təhqiqata başlayıb, məhkəmə-tibb ekspertləri yanğının səbəbini araşdırır. Xəstəxana daxilində təhlükəsizlik sistemləri sınaqdan keçirilir.