Sonsuzluğun səbəblərinə nəzər salsaq, problem 35% qadın, 35% kişi, 20% həm kişi, həm də qadından qaynaqlanır. Cütlüklərin 10%-də sonsuzluğun səbəbini tapmaq olmur.  

Aztibb.az cnnturk.com-a istinadən xəbər verir ki, son illər sonsuzluğun müalicəsində E vitamininin təsirini araşdıran bir çox tədqiqatlar aparılır. Nəticələr göstərir ki, E vitamini həm kişilərin, həm də qadınların reproduktiv potensialını artırır. 

E vitamininin faydası nədir?  

E vitamini yağda həll olunan və bir çox qidada olan əsas vitamindir. Güclü antioksidant təsirə malikdir və bu təsiri ilə hüceyrələri zərərli sərbəst radikallardan qoruyur. 

Vitaminin beyinə, dəriyə və qana müsbət təsir göstərdiyi elmə çoxdan məlumdur. Lakin onun reproduksiyaya təsiri yenicə öyrənilməyə başlanılıb. 

E vitamini körpəni əhatə edən amniotik kisəni qalınlaşdırır. Əks halda, amnion kisəsinin partlaması səbəbindən vaxtından əvvəl doğuş riski yarana bilər.  

Yaşıl yarpaqlı tərəvəzlər, pomidor, bibər, bitki yağları, qoz, fındıq, fıstıq, badam, avokado, turp, şalgam, manqo, kivi, dəniz məhsulları və yumurta sarısı E vitamini ilə zəngin qidalardır.