Azərbaycan Qida Təhlükəsizliyi İnstitutu (AQTİ) qida mühəndisi ixtisası üzrə peşəkar kadrları işə dəvət edir.

İnstitutdan Aztibb.az-a verilən məlumata görə, işə qəbul olmaq istəyənlər qida mühəndisliyi üzrə ali təhsilə, HACCP və qida təhlükəsizliyi idarəetmə sistemləri üzrə bilik və bacarıqlara, eləcə də risk əsaslı yanaşmaya malik olmalıdırlar. Eyni zamanda onlar sanitar-texniki və sanitar gigiyena qaydalarını, qida sahəsini tənzimləyən yerli qanunvericiliyi və texniki-normativ aktları bilməli, müxtəlif qida məhsullarının istehsalat prosesləri haqqında məlumatlı olmalıdırlar.

İşə qəbul üçün müraciət edən namizədlərdən ən azı 3 il iş təcrübəsi, qida sahəsi üzrə beynəlxalq standartlar, həmçinin rus və ingilis dilləri üzrə bilikləri olanlara üstünlük veriləcək. Namizədlərin kompüter biliklərinin olması isə vacibdir.

Namizədlər özləri barədə məlumatlara dair anket formasını (CV) mövzu yerinə "Qida mühəndisi" yazaraq hr.aqti@afsa.gov.az elektron poçt ünvanına göndərə bilərlər.