Payız-qış mövsümünün başlanması ilə əlaqədar əhali arasında qrip və kəskin respirator virus infeksiyaların artdığının şahidi oluruq. Xəstəlik əsasən yüksək temperatur, boğaz ağrısı, halsızlıq, bəzən ürəkbulanma, qusma və ishalla müşayət olunur. Heç kim qripdən sığortalanmayıb. Bütün orqanizmlər bu infeksiyaya həssasdır. Bu səbəbdən əhalinin qrip əleyhinə peyvənd olunması məsləhət görülür.

 

Aztibb.az xəbər verir ki, Mingəçevir Şəhər Mərkəzi Xəstəxanasının (ŞMX) Ailə Sağlamlıq Mərkəzinin rəhbəri Mətanət Əliyeva bu barədə qrip əleyhinə peyvəndlərlə bağlı çıxış edərəkən deyib.

 

Hazırda Mingəçevir Şəhər Mərkəzi Xəstəxanasının Ailə Sağlamlıq Mərkəzində qripə qarşı vaksinasiya aparılır və tam ödənişsiz həyata keçirilir.

 

Məlumat üçün bildiririk ki, Mingəçevir ŞMX-da 2022-ci ilin dekabr ayından bu günədək 675 nəfərə qrip əleyhinə peyvənd vurulub.