Məşqçi Ruslan Panovun sözlərinə görə, orqanizmdə piyin yandırılması yalnız enerjinin defisiti zamanı mümkündür.

Aztibb.az medikforum.ru-ya istinadla xəbər verir ki, məşqçi R. Panov bir həftə ərzində arıqlamağın yollarından danışıb. O qeyd edib ki, bunun üçün xüsusilə məşqlərin hesabına enerji defisitini yaratmaq lazımdır.

"Bir həftə ərzində iki-üç intervallı məşq, bir-iki orta və ya yüksək intensivlikli kardioməşqlər və iki-üç qüvvət məşqi yerinə yetirilməlidir ", - məşqçi bildirib.

O, qidalanmaya nəzarət etməyi də məsləhət görüb. Panovun sözlərinə görə, bir həftə ərzində arıqlamağa şam yeməyindən (bu həftə boyunca) imtina və dolu səhər yeməyi kömək edir. Səhər yeməyi qəbulu zamanı orqanizm çoxlu zülal almalıdır. Gündüz heyvan mənşəli zülal, həmçinin tərəvəzlər istifadə etmək lazımdır.

"İlk günlərdə, yüngül məşqlərlə yanaşı, əsas rasionun sudan, az miqdarda qaynadılmış düyüdən və xiyarlardan ibarət olduğu detoks-günləri təşkil etmək olar,", -  məşqçi əlavə edib.

R. Panov vurğulayıb ki, çəki atmaq istəyən insanlar kifayət qədər su (gündə iki-dörd litr) içməlidir.