Tanınmış həkim Şahin Məmmədov Akademik Zərifə Əliyeva adına Milli Oftalmologiya Mərkəzində Anesteziologiya, Reanimasiya, İntensiv terapiya şöbəsinin müdiri vəzifəsinə təyin olunub.

Aztibb.az xəbər verir ki, bu barədə o, feysbuk şəbəkəsində məlumat paylaşıb.

"Artıq 8 ci ildir ki, akademik Zərifə Əliyeva adına Milli Oftalmologiya Mərkəzində həkim anestezioloq-reanimatoloq vəzifəsində işləyirdim. Bu gün mərkəzin direktoru, professor Elmar Qasımov məni uğurlu fəaliyyətimə görə təşəkkürnamə ilə təltif etdi və məni mərkəzin Anesteziologiya Reanimasiya, İntensiv terapiya şöbəsinin müdiri vəzifəsinə təyin etdi. Həmçinin mərkəzin Masallı, Gəncə və Şəki filiallarının anesteziologiya xidmətinə də nəzarət etməli olacam. Qeyd edim ki mərkəzimizin 12 əməliyyatxanası var və 24/7 anestezioloji xidmət göstərir.
Xəstələrimiz əsasən uşaqlar, yenidoğulmuşlar və yanaşı xəstəlikləri çox olan yaşlı insanlardır.
İşin məsuliyyətini yaxşı dərk edirəm. Çalışacam mənə göstərilən etimadı doğruldum, bu çətin və məsuliyyətli işin öhdəsindən layiqincə gəlim", - Şahin Məmmədov qeyd edib.