Dializ əsnasında qan təzyiqinin aşağı olması (hipotenziya) baş gicəllənməsi, göz önünün qaralması, gücsüzlük, sərsəmlik halı, ürəkbulanma, iynəbatmalar şəklində özünü göstərə bilər.

 

Aztibb.az nefroloq Barat Yusubova istinadla xəbər verir ki, bütün bunları nəzərə alıb, pasiyentin daha rahat və güvənli şəkildə dializ alması üçün həkim və tibb personalı tərəfindən bəzi tədbirlər görülməlidir.

 

Dializ əsanasında hipotenziyanın qarşısı necə alınır:

 

UF kontrollu dializ aparatı istifadə edilir;

Normadan çox interdiyalitik çəki artmasının qarşısını alan pəhriz və duzun azaldılması tətbiq olunur;

Pasienti quru ağırlığından daha az çəkiyə salacaq şəkildə UF tətbiq edilmir;

Aşağı təzyiqə meyilli pasientlərin dializ əsnasında qida qəbuluna yol verilmir.

 

Müalicəsi:

Pasientin tənəffüsündə problem yoxdursa Trandelenburq pozisiyasına gətirilir;

UF sürəti minimuma, mümkün olsa sıfıra endirilməlidir;

Burundan oksigen verilir, bu öz növbəsində toxuma işemiyasını azaldaraq daha xeyirli ola bilər.