Gündəlik həyatımızda yediyimiz bir çox qidalar sağlamlığımız üçün böyük təhlükə yaradır. Dadlı olduğuna görə üstünlük verdiyimiz zərərli qidalarla yanaşı, faydalı qidalar da müxtəlif xəstəliklər üçün risk yarada bilər. 

Aztibb.az cnnturk.com-a istinadən xəbər verir ki, mütəxəssislər tez-tez istehlak edilən bəzi qidaların damar tıxanmasına gətirərərk infarkt və insult riskini artırdığını bildirir.  

İnsanların yaşına, cinsinə, fəaliyyət səviyyəsinə, xəstəliklərə görə gündə müəyyən miqdarda kalori qəbul etmələri lazım olduğunu vurğulayan mütəxəssislər, bədənin ehtiyacından çox kalori qəbul etmənin ürək-damar xəstəliklərinə səbəb ola biləcəyini açıqlayıb.  

Ürək xəstəliklərində ən çox rast gəlinən problemlərdən biri də ürəyə gedən damarların daxili hissələrinin yağla örtülməsidir. Bu sağlamlıq probleminin ən mühüm səbəbi qidalanma ilə bağlı edilən bəzi səhvlərdir. Bəs ürək-damar sağlamlığı üçün necə yemək lazımdır? 

Ürək dostu qidalar hansılardır? 

Tərəvəz və meyvələr ürək dostu qidalar hesab edilir ki, onların kalorisi az, qida maddələri yüksəkdir. Həm də bir çox vitamin və mineral ehtiva edir. 

Ona görə də meyvə və tərəvəzləri həm əsas, həm də qəlyanaltı yeməklərdə istehlak etmək lazımdır. Xüsusilə çiyələk, moruq, qırmızı tut kimi qırmızı meyvələr tərkibindəki antioksidantlarla ürək sağlamlığını dəstəkləyir.