Nevroloq, professor Nataliya Şindryaeva bildirib ki, energetik içkilərində olan stimullaşdırıcı komponentlərin təsiri orqanizmin tükənməsinə və ürəklə bağlı ciddi problemlərin meydana çıxmasına səbəb ola bilər.
Aztibb.az bu barədə medikforum.ru-ya istinadla xəbər verir.
"Bu içkilərin hətta bir dəfə istifadəsi aritmiya, miqren, miokard infarktı yarada bilər", - həkim bildirib.
N. Şindryaeva əlavə edib ki, xroniki ürək-damar problemləri olan insanlara energetik içkilərdən istifadə qadağandır.
Həkim həmçinin iş vaxtı gümrahlığın saxlanılması üçün mütəmadi olaraq energetik içkilərdən istifadə etməyi zərərli hesab edib. Energetik içkilər asılılıq yaradaraq vərdişə səbəb olur.
Professor qeyd edib ki, energetik içkilərin tərkibində yüksək dozada şəkər olduğundan onların qəbulu artıq çəkiyə səbəb olur.