Bu barədə Aztibb.az-a Agentlikdən məlumat verilib.

 

Tədbirdə çıxış edən Agentliyin İdarə Heyətinin sədri Zaur Əliyev Ümummilli Lider Heydər Əliyevin səhiyyə sahəsində gördüyü işlərin əhəmiyyətindən danışıb. Bildirib ki, Ulu Öndər Heydər Əliyevin xüsusi diqqət və qayğısı sayəsində müstəqillik dövründə ölkəmizdə səhiyyənin inkişafı və əhalinin sağlamlığının qorunması sahəsində mühüm nailiyyətlər əldə olunmuşdur. Onun sözlərinə görə, “Əhalinin sağlamlığının qorunması haqqında”, icbari tibbi sığortanın tətbiqini təşkilati, hüquqi və iqtisadi əsaslarla müəyyən edən “Tibbi sığorta haqqında”, “Özəl tibb fəaliyyəti haqqında” qanunların qəbulu məhz Heydər Əliyevin hakimiyyəti dövrünə təsadüf edirdi. Zamanında görülən işlərin nəticəsidir ki, bu gün Ümummilli Liderin layiqli davamçısı cənab Prezident İlham Əliyevin rəhbərliyi ilə respublikanın bütün ərazisində icbari tibbi sığorta tətbiq olunur.

 

Daha sonra Agentliyin Marketinq və tədbirlər şöbəsinin əməkdaşı Emil Lətifov Ümummilli Lider Heydər Əliyev şəxsiyyətinin xalqımızın həyatında, müstəqil dövlətçilik tariximizdə misilsiz yeri və rolu haqqında tədbir iştirakçılarına məlumat verib.

 

Sonda E.Lətifovun müəllifi olduğu Ulu Öndər haqqında qısa filmin nümayişi olub.