Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən peşəkar həkimlərimizi tanıtmaqda davam edir.
Rubrikada bu dəfə Lənkəran Rayon Mərkəzi Xəstəxanasının həkim-terapevti Elgiz Baxşəliyev haqqında məlumatları diqqətə çatdırırıq.
Elgiz Dünyamalı oğlu Baxşəliyev 17 aprel 1986-ci ildə Masallı rayonu Boradigah qəsəbəsində anadan olub. 2003-cü ildə Boradigah 2 saylı orta məktəbini bitirərək, Azərbaycan Dövlət Tibb Universitetinin Müalicə işi fakültəsinə daxil olub. 2009-cu ildə universiteti bitirərək təyinatı üzrə Abşeron rayon Saray qəsəbəsində Terapiya ixtisası üzrə internatura keçib, 2010-cu ildən Lənkəran şəhər TTTYS-na həkim-terapevt kimi işə başlayıb. O, 2021-ci ildən Lənkəran Rayon Mərkəzi Xəstəxanası publik hüquqi şəxsin Təcili Yardım şöbəsinin müdiri vəzifəsində çalışır.
Terapevt bir çox beynəlxalq konfrans və təlimlərdə iştirak edib.