Azərbaycan Tibb Universitetinin Pulmonologiya kafedrasının müdiri, tibb elmləri doktoru, professor Əlizamin Sadıqov nəhayət ki Vətənə qayıdıb.

4 aydır İspaniyada yerli universitet xəstəxanalarından birində COVID-19 xəstələrini müalicə edən həkim-pulmonoloq Azərbaycanda da koronavirusla mübarizəyə qoşulacaq.

Qeyd edək ki, Ə.Sadıqov ağciyər xəstəlikləri üzrə dünyada tanınan mütəxəssisdir. Həkimin bu xəstəliyin müalicəsi ilə bağlı beynəlxalq təcrübəsi və şəxsi yanaşması var:

“Düşünmürəm ki, yaxın gələcəkdə, yəni bir il ərzində koronavirus geri çəkiləcək. Çox güman ki, infeksiya daha bir neçə il özünü xatırladacaq. Bunu beynəlxalq ekspertlər yekdilliklə təsdiqləyir, başqa ssenari yoxdur” - deyə professor insanları bu virusdan hələ uzun müddət ehtiyat etməyə çağırıb.