ABŞ alimləri ultrabənövşəyi şüalarla işləyən dırnaq boyası qurutma cihazlarının sağlamlığa zərərli olduğunu açıqlayıblar.

Aztibb.az medimagazin.com.tr-yə istinadla xəbər verir ki, San Dieqo Universitetinin tədqiqatçıları hüceyrə DNT-sini pozan bu cihazların dəri xərçənginə səbəb ola biləcəyini bildiriblər.

Alimlər diqqəti dırnaq lakını qısa müddətdə qurutmaq üçün istifadə edilən ultrabənövşəyi cihazlara yönəldiblər. Laboratoriya testlərində 20 dəqiqə istifadədə yüzdə 30 hüceyrə ölümü təsbit edilib. Ardıcıl üç dəfə 20 dəqiqəlik seansdan sonra hüceyrə ölümünün 70 faizə çatdığı bildirilib.

Tədqiqatçıların fikrincə, ultrabənövşəyi şüalar da sağ qalan hüceyrələrdə mutasiyaya səbəb olur. Hüceyrə DNT-sindəki bu dəyişikliklərin dəri xərçəngində görülənlərə oxşar olduğu qeyd edilir.

"Nature Communications" jurnalında ilk dəfə dırnaq boyası qurutma cihazlarının sağlamlığa təsiri ilə bağlı məqalə dərc edilib.

ABŞ alimləri bildirirlər ki, dırnaq boyası quruducuları solariumlarda istifadə edilən şüalayıcı çarpayılara bənzər təsir göstərir. Bununla belə, dırnaq boyası qurutma maşınlarının aşağı gücdə işlədiyi və şüalara məruz qalma müddətinin qısa olduğu vurğulanır.