Uzman uroloq “Hematuriya” mövzusunda çıxış edib
23.01.2023 12:21
Mərkəzi Gömrük Hospitalının Urologiya şöbəsinin rəisi, uzman uroloqu Bəhruz Xalıqov “Hematuriya” mövzusunda seminar keçirib.
 
Hospitaldan Aztibb.az-a verilən xəbərə görə, seminarda uşaq cərrahı Vüsal Cəfərov və Mərkəzi Gömrük Hospitalında təhsil alan həkim-rezidentlər iştirak ediblər.
 
Bəhruz Xalıqov çıxışında Hematuriyanın diaqnostikası, simptomları, müalicəsi, eləcə də müalicəsiz qaldğı halda Hematuriyanın yaratdığı fəsadlar barədə ətraflı məlumat verib.
 
Seminarın sonunda Bəhruz həkim rezidentlərin mövzu ilə bağlı çoxsaylı suallarını cavablandırıb.
 
Qeyd edək ki, Mərkəzi Gömrük Hospitalında 2018-ci ildən yaradılmış rezidentura təhsilinin əsas məqsədi gələcəkdə işinin peşəkarı, yüksək nəzəri və təcrübi biliklərə malik, savadlı həkimlər yetişdirməkdir.