Qulağınızın üzərində olan Frank xətti adlanan xətt ürəyinizdə bir problem olduğuna və ya ola biləcəyinə işarədir. 

Aztibb.az ensonhaber.com-a istinadən xəbər verir ki, 40-dan çox tədqiqat qulağın bu xüsusiyyəti ilə aterosklerozun artması arasında əlaqə olduğunu göstərir. 

Frank xətti qulaqdakı traqus dediyimiz quruluşdan qulaq dibinə qədər diaqonal olaraq 45 dərəcə bucaq altında olan qırışdır. Bir çox araşdırma Frank xətti ilə ürək xəstəliyi arasında əlaqə olduğunu sübut edib. 

İsraildə aparılan araşdırma nəticəsində insult keçirən insanların 73,2 faizində və beyinə qan axını ilə bağlı problem yaşayan xəstələrin 88,6 faizində Frank xətti aşkar edilib. 

Qulaqdakı qırış adətən 45 dərəcə bucaq əmələ gətirir və diaqonal olaraq geriyə doğru gedir. Qulaq dibindəki qırış həmişə ürək xəstəliyinin əlaməti olmasa da, mütəxəssislər həkimə müraciət etməyi məsləhət görürlər.