Yanvarın 9-15-də 2,7 milyondan çox insan koronavirus infeksiyasına yoluxub, 13 minə yaxın insan dünyasını dəyişib. Əvvəlki 7 günlə müqayisədə, yoluxanların sayı 9 faiz azalıb, ölənlərin sayı isə 1 faizdən az artıb.

Aztibb.az-ın məlumatına görə, bu barədə Ümumdünya Səhiyyə Təşkilatı (ÜST) bildirib.

Məlumata əsasən, dünyada bir həftə ərzində 2 754 445 yoluxma, 12 923 ölüm halı qeydə alınıb.

Yeddi gündə ən çox yoluxma halı Yaponiyada qeydə alınıb - 1 025 321. Ondan sonra ABŞ (415 864), Koreya Respublikası (286 291), Avstraliya (191 750) və Çin (190 451) gəlir. Bir həftə ərzində ABŞ-da ən çox ölüm qeydə alınıb - 3922. Daha sonra Yaponiya (2849) və Çin (802). Avstraliya (742) və Fransa (520) gəlir.