26-27 yanvar 2023-cü il tarixlərində Azərbaycan Respublikası Səhiyyə Nazirliyi K.Y.Fərəcova adına Elmi-Tədqiqat Pediatriya İnstitutunda “Neonatal Reanimasiya Proqramı” (NRP) mövzusunda növbəti kurs keçiriləcək.

İnstitutdan Aztibb.az-a verilən məlumata görə, respublikanın doğum evlərində çalışan tibb işçiləri, ginekoloqlar, pediatrlar, tibb bacıları üçün nəzərdə tutulan tədbirdə müxtəlif klinikalardan dəvət olunmuş həkim-mütəxəssislər təqdimatlarla çıxışlar edəcəklər.

Nəzəri və praktik qaydada keçiriləcək kursun məqsədi neonatal ölümlərin qarşısının alınmasına töhfə verməkdən ibarətdir.

Sonda kursu uğurla bitirən iştirakçılara sertifikat təqdim olunacaq.