Tərtər Rayon Mərkəzi Xəstəxanasında “20 yanvar həqiqətlərinin dünya ictimaiyyətinə çatdırılmasında Ümummilli Lider Heydər Əliyevin rolu” mövzusunda tədbir keçirilib.

Xəstəxanadan Aztibb.az-a verilən məlumata görə, öncə tədbir iştirakçıları ümummilli lider Heydər Əliyevin və torpaqlarımızın azadlığı uğrunda canlarından keçən Vətən oğullarının əziz xatirəsini bir dəqiqəlik sükutla yad ediblər.

Tədbirdə Tərtər Rayon Mərkəzi Xəstəxanasının baş həkimi Bəkir Nağıyev 20 yanvar faciəsinin xalqımızın qəhrəmanlıq tarixində mühüm rol oynadığını bildirib. O, bu faciəli hadisələrə ilk dəfə Ümummilli Liderimiz Heydər Əliyev tərəfindən hüquqi və siyasi qiymət verildiyini vurğulayıb.

Sonra Tərtər rayon İcra Hakimiyyəti Yanında yetginlik yaşına çatmayanların işləri və hüquqlarının müdafiəsi üzrə komissiyanın məsul katibi Rəvan Həsənov, tibb və qeyri tibb işçiləri çıxış edərək 20 yanvar şəhidlərinin xatirəsinin dövlətimiz və xalqımız tərəfindən daim əziz tutulduğunu, bu faciə zamanı şəhid olmuş şəxslərin ailə üzvlərinin, eləcə də əlil olmuş şəxslərin sosial problemlərinin dövlətimiz tərəfindən diqqətdə saxlanıldığını bildiriblər.

Çıxış edənlər 2020-ci ilin sentyabır ayında başlayan Vətən müharibəsində Müzəffər Ali Baş Komandan İlham Əliyevin böyük sərkərdəlik bacarığı sayəsində xalqımızın düşmən üzərində qazanılmış zəfərin möhtəşəm sevincini yaşadığını, ərazi bütövlüyümüzün təmin olunduğunu qeyd ediblər.