"Həkimlərimizi tanıyaq!" rubrikasının növbəti buraxılışı
19.01.2023 16:57

Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən peşəkar həkimlərimizi tanıtmaqda davam edir.

 

Rubrikada bu dəfə Bərdə Rayon Mərkəzi Xəstəxanasının təcrübəli həkimi Qnyaz Məmmədov haqqında məlumatları diqqətə çatdırırıq.

 

Qnyaz Vəli oğlu Məmmədov 1988-ci ilin avqustunadək Bərdə Rayon Mərkəzi Xəstəxanasının Doğum evinin Reanimasiya şöbəsində anestezioloq-reanimatoloq, daha sonra həmin şöbənin müdiri vəzifəsində işləyib. Həkim kimi 1993-1995-ci illərdə hərbi xidmətdə çalışıb. 1995-ci ildə hərbi xidmətdən qayıdaraq reanimatoloq kimi fəaliyyətini davam etdirib. 2004-cü ildən TSEK-də cərrah vəzifəsində çalışıb.
 
O, 2015-ci ildən Bərdə RMX-ın Reanimasiya şöbəsində anestezioloq, xəstəxananın 2016-2022-ci illərdə  müalicə işləri üzrə müavini işləyib. Hazırda ARIT şöbəsinin müdiri kimi fəaliyyət göstərir.
 
Peşəkar həkim Bərdə ilə yanaşı, ətraf rayonlardan da daxil olan ağır xəstələrin həyatını xilas edir, vətəndaşların sağlamlığının keşiyində məsuliyyətlə dayanır.