"Əczaçılar Klubu" İctimai Birliyinin idarə heyətinin üzvləri 20 Yanvar Ümumxalq Hüzn Gününün 33-cü ildönümü ilə əlaqədar Şəhidlər xiyabanını ziyarət ediblər.

Birlikdən Aztibb.az-a verilən xəbərə görə, üzvlər Azərbaycanın ərazi bütövlüyü uğrunda qəhrəmancasına canlarından keçən vətən övladlarının əziz xatirəsini ehtiramla yad edib, şəhidlərin ruhuna dualar oxuyaraq məzarlarının üzərinə çiçəklər düzüblər.

Vətən uğrunda canlarını fəda edən şəhidlərin əziz xatirəsi hər bir azərbaycanlının qəlbində daim yaşayacaq və heç zaman unudulmayacaq. Allah bütün şəhidlərimizə rəhmət eləsin!