Bəzi içkilər yaşı 40-dan yuxarı olan qadınların sağlamlığına və xarici görünüşünə mənfi təsir edir.

40 yaşdan sonra qadınların orqanizmində hormonal dəyişikliklərə bağlı olaraq əhval, zahiri görünüş və çəkiyə təsir edən dəyişikliklər baş verməyə başlayır. Bu yaşda rasionu diqqətlə izləmək, istifadə edilən məhsulların və içkilərin tərkibini nəzərə almaq lazımdır.

Aztibb.az medikforum.ru-ya istinadla xəbər verir ki, tibbi ekspertlər 40 yaşlı qadınlara kifayət qədər təmiz su içməyi, qazlı və qəhvə kimi içkilərin istehlakını minimallaşdırmağı məsləhət görürlər.

Dermatoloq Nadir Kazi qeyd edib ki, qəhvə dərinin vəziyyətinə mənfi təsir edə, onun erkən solmasına imkan yarada və qadın vaxtından qabaq qocalda bilər.

"Qəhvə – ən turş və susuzlaşdıran içkilərdən biridir, onun tez-tez istifadə olunması zamanı dərini quru və susuzlaşmış edən toksinlər orqanizmə daxil olur. Kofein insana güc verə bilər, amma onun daimi istifadəsi dərini elastiklikdən məhrum edir və onun təbii parıltısını azaldır", - deyə dermatoloq bildirib.

Mütəxəssis qəhvədən imtina etmək istəməyən qadınlara onun miqdarına nəzarət etməyi, onu su ilə içməyi, həmçinin inqrediyentlər və qaymaq əlavəsiz "təmiz" içməyi tövsiyə edib.

Həkim qadınlara 40 yaşdan sonra "cavanlığın içkisi" adlandırdığı yaşıl çay içməyi məsləhət görüb.