Tibbi Ərazi Bölmələrini İdarəetmə Birliyinin (TƏBİB) və Daxili İşlər Nazirliyinin (DİN) birgə əməkdaşlığı çərçivəsində polis orqanlarının əməkdaşları üçün “TƏBİB gələnə qədər” adlı layihə çərçivəsində ilkin yardım təlimləri başa çatıb.

TƏBİB-dən Aztibb.az-a bildirilib ki, "Yeni Klinika"da baş tutan təlimlərə 320 nəfər cəlb edilib. Bu gün onlardan 75 nəfəri sertifikatla təltif olunub. Sertifikatlar həm nəzəri, həm də praktiki bilik və bacarıqlara əsasən təqdim olunub.

Təlimlərin davamlı olması nəzərdə tutulub.

Qeyd edək ki, təlimlərin əsas məqsədi yol-nəqliyyat hadisələri zamanı təcili tibbi yardım briqadası gələnə qədər polis əməkdaşları tərəfindən zərərçəkənlərə ilkin yardımın göstərilməsi və baş verə biləcək ağırlaşma, ölüm risklərinin azaldılmasından ibarətdir.