Rusiya ordusunun Ukraynanın Dnepr şəhərinin rayonlarından birində hündürmərtəbəli binaya raket hücumu nəticəsində ölənlərin sayı 20-yə çatıb.

Aztibb.az ru.slovoidilo.ua-ya istinadla xəbər verir ki, Rusiya ordusunun raket zərbələri nəticəsində 20 nəfər ölüb, 73 sakin yaralanıb.

40-dan çox şəxs xəstəxanada, dördü isə ağır vəziyyətdə reanimasiyadadır. 40-dan çox insanın taleyi naməlum olaraq qalır.

Xilasetmə əməliyyatı davam edir.

Qeyd edək ki, çoxsaylı insan tələfatı ilə əlaqədar yanvarın 15-dən şəhərdə 3 günlük matəm elan edilib.