Təcrübəli dermatoveneroloq Rəna Kəngərli Mingəçevir Şəhər Məkəzi Xəstəxanasında fəaliyyətə başlayıb.

Bu barədə Aztibb.az-a Xəstəxanadan məlumat verilib.

Bildirilib ki, Rəna Kəngərli 1982-ci ildə Mingəçevirdə anadan olub. 2000-2006-cı illərdə Azərbaycan Tibb Universitetinin Müalicə proflaktika fakültəsində təhsil alıb. 2006-2007-ci illərdə Ədliyyə Nazirliyi Baş Tibb İdarəsində internatura keçib. 2007-2009-cu illərdə Birləşmiş Ərəb Əmirliklərində “Russian Hospital”da fəaliyyət göstərib.

O, 2009-cu ildə Türkiyədə dermatologiya üzrə təhsil alıb. 2010-cu ildə Rusiya Federasiyasının Yekaterinburq Şəhər Mərkəzi Xəstəxanasında Dermatologiya ixtisası üzrə Həkimləri Təkmilləşdirmə kursu keçib. 2011-2023-cü illərdə Naftalan şəhərində həkim dermatoloq işləyib.