Hər il minlərlə insan sümük iliyi transplantasiyasını gözləyir. Nə qədər çox donor olsa, onların sağ qalma şansı bir o qədər çox olar. Bəs, qan vermək qədər asan olan sümük iliyi transplantasiyası necə həyata keçirilir? 

Türkiyədə 7 yaşlı Əlif Kolbaşına 4 il əvvəl irsi anemiya, yəni sümük iliyi çatışmazlığı diaqnozu qoyulub. Qızcığaz sağalmaq üçün illərdir uyğun iliyin tapılmasını gözləyir. Ailəsinin narahatlığı isə günü-gündən artır. Əlif kimi yüzlərlə insan gözləmə siyahısındadır. 

Aztibb.az trthaber.com-a istinadən xəbər verir ki, qan bağışlamaq onların sağ qalma şansını artırır. 

Onların yaşamaq üçün yeganə ümidi donorlardır. İlik donorluğu çox asan bir prosesdir. Qızıl Ayparaya veriləcək müəyyən miqdar qan sayəsində donor sistemə daxil edilir. 

Peyvənd edildikdən sonra donorun qanından kök hüceyrələr alınır 

İlik donorluğu yalnız peyvənd və qanvermə formasında həyata keçirilir. Əvvəlcə donor müayinə olunur. Proses qısa vaxt tələb edir Kök hüceyrələr peyvənddən bir və ya iki gün sonra toplanır. Toplama prosesi 3-5 saat arasında davam edir. Donordan alınan qan aparatdan keçirilir, kök hüceyrələr ayrılır, sonra qalan qan yenidən donora verilir. Qısa bir prosedurdan sonra toplanan kök hüceyrələr gözləyən xəstəyə köçürülərək həyatını xilas edir.