Gəncə Şəhər Birləşmiş Xəstəxanasının tabeliyindəki Cavadxan Ailə Sağlamlıq Mərkəzi (ASM) 2021-ci ilin əvvəlindən fəaliyyətə başlayıb.

 

Aztibb.az xəbər verir ki, bu tibb müəssisəsi təxminən 35900 vətəndaşa xidmət göstərir. Hazırda Ailə Sağlamlıq Mərkəzində 27-i həkim, 55-i tibb bacısı olmaqla, ümumilikdə 99 tibb personalı çalışır. ASM-in həkim heyəti ailə həkimi-terapevt, ailə həkimi-pediatr, ailə həkimi-ginekoloqlardan ibarətdir.

 

Burada həkimlər tərəfindən müayinə olunmuş xəstələr lazımi instrumental və laborator müayinələrə göndərilir və onlara müalicə təyin edilir. Cavadxan ASM-in şöbə müdiri Zeynalova Nurlana Arif qızıdır.

 

Məlumat üçün bildirək ki, digər xəstəxanalarda olduğu kimi burada da xəstəliklərin müayinəsi və müalicəsi ilə bağlı xidmətlər İcbari Tibbi Sığorta üzrə Dövlət Agentliyinin Xidmətlər Zərfində mövcuddur. Bu xidmətlərdən hər bir ölkə vətəndaşı ödənişsiz şəkildə yararlana bilər.

 

Ünvan: M.Abbaszadə 73

Əlaqə telefonu: 022/268-65-29

Elektron poçt: cavadxan_asm@mail.ru