Dünyada həkimlik qədər şəfalı, şəfqətli, xeyirxah və humanist peşə yoxdur. Bütün zamanlarda, xalqlar arasında həkim cəmiyyətin ən çox sevilən və hörmət edilən təbəqəsi sayılıb, onların haqqında hikmətli sözlər yazılıb. Seçdiyi peşəsindən, həyatdakı işindən, mövqeyindən asılı olmayaraq, hər kəsin qəlbində bu sənət sahiblərinə qarşı ali hisslər yaşayır.

"Həkimlərimizi tanıyaq!" rubrikamızda söz açacağımız Sahib Məmmədov Şirvanın sevilən-seçilən həkimlərindən biridir.

O, 30 iyun 1969-cu il Sahib Məmmədov Ağcabədi rayonunda anadan olub. 1986-cı ildə N.Nərimanov adına Azərbaycan Tibb İnstitutunun Müalicə-profilaktika fakültəsinə daxil olub, 1993-cü ildə universiteti fərqlənmə diplomu ilə bitirib. 1993-1994-cü illərdə Bakı şəhəri 1nömrəli Xəstəxanasının funksional diaqnostika şöbəsində internatura keçib.

Sahib Məmmədov 1994-cü ildə Şirvan Şəhər Mərkəzi Xəstəxanasında həkim-kardioloq vəzifəsində çalışıb. Yanaşı olaraq, 1994-1998-ci illərdə Şirvan şəhər Təcili Tibbi Yardım Stasiyasında həkim-kardioloq işləyib.

Həkimlik fəaliyyəti dövründə Azərbaycanda və Avropa ölkələrində müxtəlif ixtisasartırma kurslarında, elmi konqres və konfranslarda iştirak edib.

O, 24 iyun 2019-cu ildə Həkimlərin Sertifikasiya Şəhadətnaməsindən keçib.

2010-cui ildə 1 saylı Terapiya şöbəsində həkim kardioloq işləyib. 04.01.2021-ci ildən Terapiya şöbəsinin həkim kardioloq kimi fəaliyyətini davam etdirir.

Sahib həkim əsasən ürək-damar sistemi xəstəliklərinin (Ürəyin işemik xəstəliyi, Arterial Hipertoniya) və yanaşı gedən xəstəliklərin müayinə və müalicəsi ilə məşğul olur.
O, Azərbaycan Kardiologiya Cəmiyyətinin, Avropa Kardiologiya Cəmiyyətinin, Türkiyə Kardiologiya Dərnəyinin üzvüdür.