“Həkimlərimizi tanıyaq!” rubrikamızda səmimiyyəti və peşəkarlığı ilə seçilən Gəncə Şəhər Birləşmiş Xəstəxanasının Uşaq xəstəxanasının Cərrahiyyə şöbəsinin müdiri, uşaq cərrahı Rahət Hüseynlini təqdim edirik.

Rahət Hüseynli 3 yanvar 1954-cü ildə Gəncə şəhərində anadan olub. 1971-1977-ci illərdə Rusiya Federasiyasının Sankt-Peterburq şəhərində Pediatrik Tibb İnstitutunda Pediatriya ixtisası üzrə təhsil alıb və həmin institutu fərqlənmə ilə bitirib.

O, 1978-1988-ci illərdə Rusiya Federasiyasının Nijniy Taqil şəhərində 3 saylı şəhər uşaq xəstəxanasında həkim-uşaq cərrahı vəzifəsində çalışıb. Rahət Hüseynli 1988-ci ildən Gəncə şəhər Uşaq xəstəxanasında Cərrahiyyə şöbəsinin müdiri (həkim-uşaq cərrahı) kimi fəaliyyət göstərir.

Həkim ixtisası üzrə müasir dövrün bütün yeniliklərini öyrənmək məqsədilə ixtisasartırma kurslarında, seminarlarda və treninqlərdə iştirak edib.