Ümumdünya Səhiyyə Təşkilatının (ÜST) Avropa ofisi Çindəki COVID-19 epidemiyasını Avropa regionu üçün birbaşa təhdid kimi görmür, lakin daha çox informasiyaya ehtiyac var.

Aztibb.az xəbər verir ki, bunu ÜST-nin Avropa ofisinin rəhbəri Hans Klüge keçirdiyi brifinqdə deyib. Bununla belə o, arxayın olmamağa çağırıb.

Qeyd edək ki, artıq bir sıra ölkələr Çindən gələn ziyarətçilərin COVID-19 testindən keçməsini tələb edir. Avstraliya və Kanada Çindən gələn səyahətçilərin uçuşdan öncə test verməsini tələb edir. ABŞ, Hindistan, Yaponiya, Cənubi Koreya və bir sıra Avropa ölkələri də Çindən gələn səyahətçilərə bir sıra səyahət tədbirlərinin tətbiq ediləcəyini bəyan edib.