Tərtər rayonun işğaldan azad olunmuş Talış kəndindəki Ailə Sağlamlıq Mərkəzinin həyətində “Gələcəyimiz üçün ağac əkək” devizi altında növbəti ağacəkmə aksiyası keçirilib.

Tərtər Rayon Mərkəzi Xəstəxanasından Aztibb.az-a bildirilib ki, ağacəkmə aksiyasında xəstəxananın rəhbər heyəti və kollektivi iştirak edib.

Aksiyanın keçirilməsində məqsəd ağac əkməklə ekoloji tarazlığın bərpasına, ətraf mühitin qorunmasına kömək etmək, atmosferi oksigenlə zənginləşdirmək, ictimaiyyətin diqqətini yaşıllıqların qorunmasına yönəltməkdir.

Direktor Sərxan Cəlahani bildirib ki, bu cür ekoloji aksiyaların mütəmadi təşkili ilə ətraf mühitin mühafizəsinin vacibliyi insanların, xüsusilə gənc nəslin diqqətinə çatdırılır.