Qrip xüsusən qış aylarında çox rastlaşdığımız bir haldır. Qrip və digər infeksion xəstəliklərdən qorunmaq üçün əhalinin sıx olduğu məkanlarda, iş yerləri və kollektivlərdə profilaktika tədbirlərinə riayət etmək vacibdir.

Aztibb.az İctimai Səhiyyə və İslahatlar Mərkəzinə istinadla xəbər verir ki, kollektivlərdə əllərinizi tez-tez sabunla yumaq, öskürərkən və asqırarkən ağız və burnunuzu kağız dəsmal və ya dirsək bükümünüzlə bağlamaq xəstəliklərin yayılmasının qarşısını ala bilər.

Kağız dəsmalı istifadə etdikdən sonra dərhal zibil qabına tullamaq və əllərinizi yumaq sağlamlığınızın qorunmasında vacib amildir.