Dünya Qastroenterologiya Cəmiyyəti (WGO) tərəfindən verilən "Master of WGO" mükafatının qalibi Acıbadem Universiteti Tibb fakültəsi Qastroenterologiya kafedrasının müəllimi, professor Ayşe Nurdan Tözün olub.

Aztibb.az-ın medimagazin.com.tr-yə istinadla məlumatına görə, o, dərnəyin Avropa regionunu təmsil edərək bu mükafatı alan ilk türk və ilk türk qadın həkim olub.

Acıbadem Universitetindən verilən açıqlamada bildirilib ki, dərnəyin “Master of WGO” mükafatı həzm sistemi xəstəliklərinin qarşısının alınması, müalicə kitabçalarının nəşri və qastroenterologiya ixtisası üzrə təhsil sahəsində mühüm xidmətləri olan şəxslərə verilir. Ayşe Nurdan Tözün qastroenterologiya sahəsində orijinal elmi araşdırmalarına, təhsilə verdiyi dəstəyə və dərnəyin missiyasına uyğun olaraq bu mükafata layiq görülüb.

Mükafat türkiyəli professora Dubayda keçirilən “Dünya Qastroenterologiya Konqresi”nin açılış mərasimində dərnəyin keçmiş prezidenti, prof. Naima Lahbabi Amrani tərəfindən təqdim olunub.