Naftalan sakini odlu silahla intihar edib.

Aztibb.az xəbər verir ki, APA-nın yerli bürosunun məlumatına görə, şəhər sakini 1959-cu il təvəllüdlü Firuz Qocayev yaşadığı evdə özünə odlu silahdan atəş açıb. 64 yaşlı kişi hadisə yerinə ölüb.

DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov açıqlamasında bildirib ki, Naftalan şəhər Polis Şöbəsinə şəhər sakini, 1959-cu il təvəllüdlü Firuz Qocayevin odlu silahdan atəş açılması nəticəsində ölməsi barədə məlumat daxil olub. Dərhal polis və prokurorluq əməkdaşları hadisə yerinə gələrək müvafiq araşdırmalar aparıb. İlkin məlumata gör, F. Qocayev ov tüfəngi ilə intihar edib.

Fakla bağlı Naftalan şəhər Prokurorluğunda araşdırmalar davam etdirilir.

Qeyd edək ki, Firuz Qocayev Naftalan şəhərində yerləşən sanatoriyaların birinin sahibi olub.