Sumqayıt Tibb Mərkəzinin(STM) direktoru Səkinə Sadıxova bayram günlərində STM-in tabeliyində olan 1 nömrəli Şəhər Xəstəxanasında və Uşaq Xəstəxanasında olub.

STM-dən Aztibb.az-a bildirilib ki, o, 1 nömrəli Şəhər Xəstəxanasının Acil Reanimasiya, Kardiologiya, Nevrologiya və Terapiya şöbələrində, Uşaq Xəstəxanasının isə Acil, Pediatriya və Cərrahiyə şöbələrində olan xəstələrə baş çəkib.

S.Sadıxova növbədəki həkimlərlə söhbətlər aparıb, xəstələrin vəziyyətləri ilə fərdi şəkildə maraqlanıb. Göstərdiyi gülərüz münasibətə görə personala öz təşəkkürünü bildirib və onlara alınacaq yeni avadanlıqlar, həyata keçiriləcək layihələr haqqında məlumat verib.