Tərtər Rayon Mərkəzi Xəstəxanasının əməkdaşları 31 Dekabr - Dünya Azərbaycanlılarının Həmrəylik Günü və Yeni ilin gəlişi münasibətilə şəhid ailələrinə baş çəkiblər.

 

Xəstəxanadan Aztibb.az-a bildirilib ki, görüşlərdə 44 günlük Vətən müharibəsindən, Milli Ordunun qazandığı şanlı Qələbədən, şəhidlərin gənclərə nümunə olan qısa, lakin şərəfli ömür yolundan danışılıb. Şəhidlərin qanının yerdə qalmadığı, Müzəffər Ali Baş Komandan İlham Əliyevin rəhbərliyi ilə torpaqlarımızın işğaldan azad edildiyi və böyük Qələbənin tarixi əhəmiyyəti xüsusi qeyd olunub. Bildirilib ki, öz qanları, canları bahasına tarixə şanlı zəfər gününü yazan Vətən oğulları heç zaman unudulmayacaq.

 

Şəhid ailələri onlara göstərilən diqqət və qayğıya görə başda direktor olmaqla xəstəxana əməkdaşlarına minnətdarlığını bildiriblər.