Meksikadan (Xuares-del-Estado-de-Duranqo Universiteti) olan alimlər müəyyən ediblər ki, idman hərəkətləri və pəhriz olmadan çəkini atmağa yeməyi yavaş çeynəmək kömək edir.

"Effektiv arıqlama üçün yavaş qidalanma lazımdır", - deyə tədqiqatçılar "Pediatric Obesit" jurnalına bildiriblər.

Aztibb.az medikforum.ru-ya istindla xəbər verir ki, bu məqsədlə mütəxəssislər tərəfindən sınaqlar keçirilib, iştirakçılar iki qrupa ayrılıb. Bir qrup yeməyi adət etdikləri rejimində, digər qrupdakı iştirakçılar isə hər dişlənmiş tikəni minimum 30 saniyə çeynəyiblər. Sınaqların nəticələri üçün bir il vaxt qoyulmuşdu. Bu müddət ərzində insanlar pəhrizə əməl etməyiblər, fiziki tapşırıqlarla və ya idmanla məşğul olmayıblar.

Sınağın nəticələri yavaş çeynəmənin çəki atmaq üsulu kimi effektivliyini nümayiş etdirib. Qidanı tələsmədən çeynəyən könüllülər altı ay sonra orta hesabla təxminən iki kiloqram çəki itiriblər. Bir il ərzində bəzi iştirakçılarda çəki əvvəlki bədən çəkisi ilə müqayisədə 5%-dən çox aşağı düşüb.