Davranışın, həmçinin insanın ümumi emosional vəziyyətinin kəskin dəyişməsi həkimlə məcburi konsultasiya tələb edən amillərdir.

Aztibb.az medikforum.ru-ya istinadla xəbər verir ki, bunu psixiatr Marçel Doditsa bildirib.

Mütəxəssis müsahibəsində psixika ilə bağlı müayinə və müalicə tələb edən problemləri göstərən əlamətləri qeyd edib. Həkim bildirib ki, insanın davranışında müəyyən neqativizmin görünməsi əsas əlamətlərdəndir.

"Psixi problemlər zamanı davranış və ümumi emosional fon kəskin dəyişir: tez qıcıqlanma meydana çıxır, yüksəlmiş həyəcan əlamətləri görülür. Emosional dəyişikliklər yuxunun və iştahanın pozulması (həm artması, həm də azalması) ilə birləşir", - deyə psixiatr əlavə edib.

Marçel Doditsa qeyd edib ki, həmçinin sıxıntı vəziyyəti mütəxəssislə danışmaq üçün səbəblərdən biridir. İnsan özünü tükənmiş, zəiflətmiş kimi hiss edə bilər, onu həm də öz gərəksizliyi və şəxsi mövcudluğun mənasızlığı haqqında fikirlər təqib etməyə başlaya bilər.

Psixiatr bildirib ki, digər əlamət - həyəcanlılıq və onun öhdəsindən gəlməyi bacarmamaqdır. Ekspert vurğulayıb ki, insanda yaranan həyəcan və təlaş sinir sisteminin həyatın stressli hadisələrinə reaksiya verdiyini göstərir. Bu problemi müstəqil həll etmək son dərəcə çətindir, peşəkar psixiatrik köməyi lazımdır.

Bundan başqa, həkim hallüsinasiyaların yaranması zamanı psixiatra müraciət etməyi məsləhət görüb.