Milli Hematologiya və Transfuziologiya Mərkəzinin Qan Bankı bölməsinin və Neftçala Rayon Mərkəzi Xəstəxanasının birgə təşkilatçılığı "Qan ver yaşat!" devizi altında növbəti qanvermə aksiyası keçirilib.

Neftçala Rayon Mərkəzi Xəstəxanasından Aztibb.az-a verilən xəbərə görə, aksiyada xəstəxananın, eləcə də rayonda fəaliyyət göstərən idarə, müəssisə və təşkilatların, hüquq mühafizə orqanlarının əməkdaşları və ictimaiyyətin nümayəndələri iştirak ediblər.

Respublika Mərkəzi Qan Bankının tibb işçiləri tərəfindən sağlamlıq imkanları əvvəlcədən müəyyənləşdirilmiş donorlardan toplanılan qan ehtiyatı talassemiya, hemofiliya və leykoz xəstəliyindən əziyyət çəkən xəstələr üçün istifadə olunacaq.