Çukurova Universitetinin Su Məhsulları fakültəsinin Balıqçılıq Təməl Elmləri Bölümü müəllimi Sedat Gündoğdu Türkiyə bazarından 7 istehsalçıya məxsus 33 fərqli tuna balığı markası üzərində apardıqları araşdırmada bütün nümunələrdə ən az bir mikroplastik hissəcik tapdıqlarını açıqlayıb.

Aztibb.az medimagazin.com.tr-yə istinadla xəbər verir ki, o, laboratoriya şəraitində işıq mikroskopu və mikro-raman mikroskopundan istifadə edərək tuna balığını tədqiq edib. Nəticədə qablaşdırma və istehsal proseslərinin mikroplastiklərin əsas yoluxma mənbəyi olduğu ortaya çıxıb.

Tuna balıqlarında təsbit edilən plastik çirklənmənin daha çox qablaşdırmadan qaynaqlandığına diqqət çəkən S.Gündoğdu bildirib ki, qablaşdırma materiallarını ayrı-ayrılıqda təhlil etdiyimiz zaman gördük ki, tuna balığından çıxan mikroplastiklərin strukturu metal bağlamaların daxili səthinin örtülməsində istifadə olunan materialla eynidir.

"Plastik istehsalı zamanı istifadə edilən kimyəvi maddələr bu qablaşdırmalar sayəsində qida ilə təmasda ola bilər. Eynilə, dənizdən istehsal olunan emal olunmuş dəniz məhsullarında da dənizdən qaynaqlanan mikroplastik çirklənmənin olduğunu deyə bilərik. Burada əsas problem plastikin intensiv istehsalı və istifadəsi ilə bağlıdır”, - deyə tədiqatçı qeyd edib.