Aztibb.az "Həkimlərimizi tanıyaq!" rubrikasında Şəmkir Rayon Mərkəzi Xəstəxanasının Ailə Sağlamlıq Mərkəzinin həkim-terapevti Vüqar Məhərrəmov haqqında məlumatları təqdim edir.
Vüqar Sahib oğlu Məhərrəmov 6 iyul 1991-ci ildə Şəmkir rayonunun Düyərli kəndində anadan olub. 2008-2014-cü illərdə Azərbaycan Tibb Universitetinin Müalicə-profilaktika fakültəsində təhsil alıb.
O, 2015-2016-cı illərdə Modern Hospital klinikasında cərrah-uroloq assisent, 2017-2018-ci illərdə Leyla Şıxlinski klinikasında Təcilli Tibbi Yardım həkimi, 2020-2022-ci illərdə Fövqəladə Hallar Nazirliyinin Modul Tipli Hospitalda şöbə müdiri vəzifələrində çalışıb. Vüqar həkim 2022-ci ilin dekabr ayında Şəmkir Rayon Mərkəzi Xəstəxanasının Ailə Sağlamlıq Mərkəzində həkim-terapevt vəzifəsinə təyin olunub.
